Сургалтын хөтөлбөр

 
Сургалт зохион байгуулах тухай 
Мэдээлэл, холбооны технологийн салбарын мэргэжилтэнд мэргэшлийн зэрэг олгох сургалтыг тус сургууль дээр 2014 оны 11-р сарын 03-аас 29-ний хооронд зохион байгуулахаар төлөвлөж байна. Энэ удаагийн сургалтаар зөвлөх болон мэргэшсэн инженерийн сургалт, сунгалтыг хийнэ.
 
Бүртгэлийн хугацаа:
2014 оны 10 сарын 15-н хүртэл
ШУТИС, МХТС-ийн 204 тоот
Утас: 7016-9333
Сургалтын хугацаа:
2014 оны 11-р сарын 03-аас 29-ний хооронд
 
Сургалтанд бүртгүүлэх:
Мэдээллийн Технологи, Шуудан, Харилцаа Холбооны Газрын даргын 2013 оны 10-р сарын 09-ны 243 тоот тушаалаар шинэчлэн батлагдсан “Мэдээлэл, холбооны технологийн салбарын мэргэжилтэнд мэргэшлийн зэрэг олгох зөвлөл”-ийн дүрэм, журамд заасан шаардлага, болзлыг хангасан хүмүүсийг сургалтанд бүртгэнэ. 
 
Зэрэг горилогч болон эрхийн сунгалт хийлгэх мэргэжилтэн “Мэдээлэл, холбооны технологийн салбарын мэргэжилтэнд мэргэшлийн зэрэг олгох журам”-ын 4, 6 дугаар хэсгийн заалтын дагуу материалыг бэлтгэж урьдчилан шалгуулна.
(Тус вэб сайтны онлайн бүртгэлээр бүртгүүлж болно)

Жич:

1. Зөвлөх инженерийн зэрэг горилогчдод тавигдах шаардлагад Програм хангамж, Мэдээллийн системийн хүрээнийх бол “Мэдээллийн технологийн инженерийн ахисан түвшний шалгалт”-ын гэрчилгээтэй байхыг шаарддаг бөгөөд тус шалгалтанд бэлтгэх сургалт болон шалгалтын бүртгэл МТ-ийн үндэсний парк дээр явагдаж байна.

2. Мэргэшсэн инженерийн зэрэг горилогчдод тавигдах шаардлагад Электрон техник, тоног төхөөрөмжүүдийн автоматжуулалт, Мэдээллийн системийн аюулгүй байдал, Програм хангамж, мэдээллийн системийн хүрээнийх бол “Мэдээллийн технологийн суурь түвшний шалгалт”-ын гэрчилгээтэй байхыг шаарддаг бөгөөд тус шалгалтын бүртгэл МТ-ийн үндэсний парк дээр явагдаж байна.

 
Сургалтын төлбөр
Зөвлөх инженерийн сургалт - 1'000'000₮
Зөвлөх инженерийн зэргийн сунгалт - 750'000₮
Мэргэшсэн инженерийн сургалт - 700'000₮
Мэргэшсэн инженерийн зэргийн сунгалт - 560'000₮

Анкет татах

Бүртгэлийн хуудас татах

 
 

Сургалтын хөтөлбөр

Салбарын инженерүүдийг магадлан итгэмжлэх, зэрэг олгох хөтөлбөрийг жил бүрийн ШУТИС-ийн хичээлийн жилийн намрын улиралд 1 сарын хугацаанд зохион байгуулна. Сургалтанд салбарын  тэргүүлэх эрдэмтэд, профессоруудыг урьж шинэ технологи, салбарын хөгжлийн өнөөгийн байдал, цаашдын чиг хандлага, Монгол улсад тулгамдсан асуудлууд, шийдвэрлэх арга замын талаар лекц уншуулж, сургалт, семинарыг явуулдаг. 

 

2014 оны мэргэшлийн зэрэг олгох сургалтыг дараах агуулгын хүрээнд бэлтгэн зохион байгуулж байна. 
Сургалтын хуваарийг энд дарж татаж авна уу.

  1. МХТСалбарын хөгжлийн бодлого, чиг хандлага
  2. Салбарын хууль, эрх зүйн асуудал
  3. Салбарын оюуны өмч, патентын асуудал, стандартжуулалтын бодлого, хэрэгжүүлэлт
  4. Салбарын шинжлэх ухаан, техникийн дэвшил, инновацийн асуудал
    1. Цахим засаглал
    2. Салбарын хүний нөөц, оюуны хөгжил
    3. Санхүүжилт, хөрөнгө оруулалт, бизнес, маркетингийн асуудал
    4. Судалгаа, боловсруулалтын ажил
    5. Компьютерийн инженерчлэл, микропроцессорын техник
    6. Програм хангамж, хиймэл оюун ухаан
    7. Мэдээллийн сүлжээ
    8. Мэдээллийн систем, нууцлал, аюулгүй байдал
    9. Сансрын холбоо
    10. Тоон телевиз болон радиогийн өргөн нэвтрүүлэг
    11. Оптик холбооны технологи
    12. Өндөр хурдны утасгүй холбооны технологи, ирээдүйн хөгжлийн хандлага, 
  5. Нийгэм эдийн засгийн хөгжил ба МХХТ

 

Зэрэг олгох шалгаруулалтын үйл ажиллагаа

Төлөвлөгөөт богино хэмжээний сургалтын дараа сургалтын хөтөлбөрийн хүрээнд шалгалт авна. Мөн зөвлөх инженерийн зэрэг горилогч өөрийн сонгосон сэдвээр төгсөлтийн ажил бичиж Зөвлөлд хамгаална.  Мэргэшлийн зэрэг олгох, сунгах эсэхийг дараах үзүүлэлтүүдээр дүгнэн шийдвэрлэнэ:

  • Төгсөлтийн ажлын хамгаалалт / Бүтээлийн тайлан
    • Ажилласан жил, ажлын амжилт зэрэг Дүрмийн суурь шаардлагыг хангасан байдал
    • Мэдээлэл, холбооны технологийн салбарт олж хуримтлуулсан туршлага, бүтээлч ажил
    • Хувь хүний оюуны чадамж, ур чадвар
  • Шалгалтын оноо
  • Сургалтын ирц
 
Төгсөлтийн ажил
Зөвлөх инженерийн зэрэг горилогч нь сонгосон сэдвээр төгсөлтийн ажлыг бичиж зөвлөлд хамгаална.

Бүтээлийн тайлан 
Зөвлөх, мэргэшсэн инженерийн зэрэг горилогч болон сунгагч хүн бүр бүтээлийн тайланг бичнэ.
Зөвхөн зөвлөх инженерийн зэргийн сунгагч зөвлөлд хамгаална. 

Жишээ файл
Журам

ТАХ анкет татах

Бүртгэлийн хуудас татах

Шалгалт
2014 оны 11 сарын 28-нд МХТС-ийн 202 болон 307 тоотод

СҮҮЛИЙН МЭДЭЭ